नेपाली भाषा, जर्नेल मदनशमशेर र रानी जगदम्बाका अनन्य सेवक कमलबाबु रहनुभएन । मदनपुस्तकालय, मदन तथा जगदम्बा पुरस्कार, जगदम्बा प्रेस, साझा प्रकाशन आदिमा कमलमणिको योगदान छ ।
कौण्डिन्यगोत्री आचार्य कुलमा जन्मेका यिनका बराजु शिरोमणिले वीरशमशेरका सहायतामा वाराणसीमा सोमयाग गरेपछि आचार्य दीक्षित वा आ.दी. लेख्न थालेका थिए । शिरोमणिका माहिला छोरा काशीनाथका जेठा छोरा राममणिका जेठा छोरा केदारमणिका माहिला छोराको रूपमा चन्द्रशमशेरको अन्त्यकालतिर जन्मेका कमलमणि आचार्य दीक्षितले भने नाम छोट्याएर कमल दीक्षित अझ क.दी. लेख्न थालेका थिए ।
लामो समयसम्म शासक र शासकका कुलको आश्रयमा बसेता पनि जुन अंशको नैतिकता र इमानदारी कमल दीक्षितमा थियो त्यो पनि नयाँ पुस्ताकाे लागि प्रेरणादायी छ ।
कमलबाबुको आत्मालाई शान्ति मिलोस् ।
