गायिकाहरू

मलाई मन पर्नेमा गायिकाहरूमा भारतका सुब्बुलक्ष्मी, शमशाद बेगम, गीता दत्त, हेमलता, अाशा, पूर्णिमा(सुषमा श्रेष्ठ), कविता कृष्णमूर्ति, श्रेया घोषाल, कौशिकी चक्रवर्ती अादि हुन् । 
पाकिस्तानका नूरजहाँ, अबिदा परवीन, मुन्नी वेगम, रेशमा र बंगलादेशकी रूना लैला तथा पश्चिमकामा सेलेन डियोन, मराया क्यारी, सनाया ट्वीन, टोनी ब्राक्स्टन अादि मेरा मनपर्ने कलाकार हुन् ।
तर चन्द्रकला नेवारको "अाउन माया गाँसौन " सुन्न पायो भने यी अरू कुनै सुन्न मन लाग्दैन ।

अनादि,अनन्त र अलौकिक!

सृष्टिभन्दा धेरै पर
र समयभन्दा धेरै अघि
महान्धकारमा जब म हराउँछु
अविदित मुस्कुराउँछ 
र महाज्योतिले स्नान गराउँछिन्
अनि म पिउँछु प्याला अमृतको
र जिउँछु जीवन उही
अनादि,अनन्त र अलौकिक!

किन तिम्रै परिक्रमामा भुल्छ मेरो मन ?

यौटा प्रेमराग रञ्जित मन्द मुस्कान
कसरी उपेक्षा गर्न सकिन्थे र ? 

उषाकालीन ती तिम्रा विलक्षण मुखाकृतिहरू 

र ती प्रच्छन्न स्मितहास्यहरू
तिमी मानोँ यौटा अपरिहार्य चिदानन्द रक्तबीज, 

मन्त्रमुग्ध भै मधुर समर्पणमा शृंखलित,
म मानोँ यौटा यायावर पक्षी, 

चिरकालदेखि यो दुःशीत शिशिरमध्यमा परिभ्रमणरत

किन तिम्रै परिक्रमामा भुल्छ मेरो मन ?
बिउँझदै ती विजन प्रहरहरूमा 

अविदितको त्यो मनोगत यात्राका बीच

बुन्दै त्यो भ्रमसम्बन्धजाल चिदानन्दको

त्यो परिवर्तनको संघार सँगसँगै, पूर्वदेखि पश्चिमसम्मको
बुन्दै त्यो भ्रमसम्बन्धजाल चिदानन्दको

मूल अंग्रेजीः नवीन उपाध्याय